Monday, April 23, 2012

| යොවුන් මාරුතේ | ගයනා එස්. ලක්මාලි |






“ඔන්න උඹලා බලන්න ඕන කිව්ව තැනට අපි ආවා.. දැන් බැහැලා හිතේ හැටියට බලපං..

අපේ වත්ත ඇතුළට ගියපු ගමන්ම මං මතීෂටයි, තාරුටයි කිව්වා.. උන් දෙන්නා මගේ මූණ දිහා බැලුවෙ මහා චාටර් විදියට..

මේකෙ මොනවද බං අමුතුවෙන් බලන්න තියෙන්නෙ.. අපිට බලන්න ඕනෙ කිව්වෙ ලොජ් එක..”


උඹලා දෙන්නට බලන්න ඕන කිව්ව ලොජ් එක මේක තමයි.. එදා සර් අපිව එක්කගෙන ආවෙත් මෙහෙට..”

ඩබල තාම අපේ කතා සත පහකට විශ්වාස කරන පාටක් නෑ.. මතීෂ අපේ දිහා කන්න වගේ බලන් ඉන්න අතරෙ තාරු ටිකක් එහාට ගිහින් කෝල් එකක් ගත්තා.. ඌ සමහර විට සර්ට කතා කරනවද දන්නෑ..

මොකක්ද බං මේ හරුපෙ තෙරුම..? මේක හේමන්ත දුනුවිලගෙ ලොජ් එක නං උඹලා කොහොමද මේක රෙන්ට් එකට ගත්තෙ..?”

තාරු කෝල් එක කට් කරන ගමන් අපේ දිහාට ආවෙ ප්‍රශ්න දෙක තුනක්ම අහගෙන.. ඒ ප්‍රශ්නවලින් නම් තේරෙන්නෙ මිනිහා හරි තැන දැනගෙනයි කියලා..

කාටද කෝල් කලේ කියපංකො..?”

සමාධිට.. කෙල්ල හරියටම පාර කිව්වා..”

එහෙනං අහගනිං.. අපි මේක රෙන්ට් එකට ගත්තෙ නෑ.. හේමන්ත දුනුවිල කියන්නෙ අපේ දුරින් ඥාතියෙක්.. අපි එයා එක්ක කතා කරලා පංති යන්න එන්න ළග නිසා මෙහෙ ඉල්ල ගත්තා..”

චමලයි, ප්ලූටොයි ඇත්ත කියන්න බයේ ඉන්නවා දැකලා මංම කතාව පටන් ගත්තා.. ඇත්ත කිව්වට ඉතිං සීයට සීයක්ම ඇත්ත නෙමෙයි.. පොඩි කොල විසි කරාට තාම ආසියා මගේ අතේ..

එතකොට උඹලා රෙන්ට් එක දහදාහක් ගෙවනවා කිව්වෙ..? ඒක බොරුවක්ද..?”

උඹලා දෙන්නා සල්ලි දීලා මෙහෙ නවතින්න එන්නං කියපු නිසයි අපි එහෙම බොරුවක් කිව්වෙ.. මිස්ටර් දුනුවිල කැමති නැහැ තව අය මෙහෙ නවතිනවට..”

බණ්ඩයියෙ.. මුං කියන්නෙ බොරු නේද..? මට නම් තාම විශ්වාස නෑ..”

ඔන්න ඉතිං බලපල්ලකො.. මේ ගදයො දෙන්නට මේ තරම් සුද්ධ සිංහලෙන් පහදලා දීලත් තව සාක්කි කාරයො හොයනවා.. බණ්ඩයියා මගේ මූණ බලලා මුකුත්ම නොකියා ගෙට රිංගගත්තා..

උඹට ෂුවර් නෑ වගේනං හේමන්ත දුනුවිලගෙන් අහලා බලපං මං කිව්වෙ බොරුද කියලා..”

හිරූ කියන්නෙ ඇත්ත බං.. උගේ ඇදුරුම්කමට තමයි අපිත් මෙහෙට ආවෙ.. නැතුව අපි ඔය මනුස්සයව අදුරන්නෙ නෑ.. හිරූෂ කියන්නෙ හේමන්ත දුනුවිලගෙ වයිෆ්ගෙ මාමණ්ඩියගෙ පුතාගෙ පුතා.. මං හරි නේද මචං..”

චමිල මගේ මූණ බලද්දි මං ටික්ක ඒ නෑ කම ගැන හිතලා බැලුවා.. ඌ කියලා තියෙන එක හරියටම හරි.. ඒ නෑකම ගැන හරියට කල්පනා කරන්න යද්දි මේ හිරූෂ නිකම්ම හේමන්ත දුනුවිලගෙ පුතා වෙලා.. ඒත් ඉතිං හැම වෙලේම පිස්සු කියවන චමිලගෙ ඒ කතාව ගැන මතීෂත්, තාරුවත් වැඩිය හිතුවෙ නෑ..

බේබිලා කාලා යන්න.. දැන් නෝක්කාඩු කියවලා බඩගිනිත් ඇති නොවෑ..”

ගේ අස්සට රිංගන් හිටිය බණ්ඩයියා කණ සාලෙ තියලා ගිහින් තියෙන්නෙ.. අපේ කතා සේරම එයාට ඇහිලා..

ලොජ් එකේ කතාව ඇත්ත කියලා දැනගත්තට පස්සෙ මතීෂලට ගේ බලන්න ඕන උනා.. එදා පංතියෙ ආපු සෙට් එක වගේම මේ ඩබලත් බාත් රූම් එක අස්සෙ හිටන් රිංගලා බැලුවා..

උඹලා මේ සීන් එක කලින් දැනගත්ත නිසාද එදා අපි මෙහෙ එන එක නතර කලේ..?”

තාරු ඇහුවෙ හොද ප්‍රශ්නයක්.. ඒත් ඇත්ත කියලා කොල්ලො දෙන්නෙක්ගෙ හිත රිද්දන්නෙ මොකටද..?

සර්ලා එදා එන්නෙ මෙහෙට කියලා අපි දැනං හිටියා.. ඒත් මං උඹලව එදා නයෝමිලගෙ ගෙදර එක්කං ගියේ ඒ නිසා නෙමෙයි..  සර්ගෙ අර ප්‍රශ්නෙ මට විසදගන්න ඕන වෙලා තිබුණ නිසා..”

එහෙනං ලොජ් එක ගැන කතා කරපු වෙලාවල් වලවත් ඇයි ඇත්ත නොකිව්වෙ..? කිව්වනං අපි සර්ට කියයි කියලද..?”

පිස්සුද බං.. අපිට දැන් උඹලා දෙන්නා පිට උන් නෙමෙයි.. අපි කවුරුත් එහෙම හිතන්නෙ නෑ.. ඒත් මිස්ටර් දුනුවිල කිව්වා මෙතන ෆිල්ඩ් එකේ අය විතරක් පාවිච්චි කරන තැනක් නිසා අපි මෙතන ඉන්නවා කියලා කාටවත් කියන්න එපා කියලා..”

එතකොට දුනුවිල උඹගෙ ඥාතියෙක් නං ඇයි එදා ෂූටිං බලන්න ගිය වෙලාවෙවත් එයා එක්ක කතා නොකලෙ..? මුහුදු පුත්තු දවසෙවත් උඹ වැඩිය කතා කලේ නෑනෙ..”

මේ තාරකයා එක්ක බේරෙන්න ලේසි වෙන්නෙ නෑ.. මිනිහා හොද රගපාන්න නෙමෙයි රහස් පොලීසියට.. 

එච්චර ක්ලෝස් එකේ කතා කරන්න තරං ෆිට් එකක් නෑ බං.. අපේ අම්මගෙ කීමට තමයි අපිට මෙතන ඉන්න දුන්නෙ..”

මං ඇත්ත ඇත්ත නෙමෙයි වගේ කියලා දැම්මා.. නැත්තං මුං සමාධිගෙ බඩල් ඇක්ටින් පාරට බැන්නා වගේ අපිටත් බනියිනෙ..

ඔය කතා ඇති බං.. බණ්ඩයියා අපි කන්න එනකල් බලන් ඉන්නවා.. යමු.. යමු..”

මෙහෙම ගියොත් මේ සම්මකපේ මේ කතාව ඉවර කරන්න වෙන්නෑ කියලා දැනගෙන චමිලයා බලෙන්ම බත් පිගන් ටික අපේ අත්ටම ගෙනත් දුන්නා.. කෑම කාලා ඉවර වෙනකල්ම මතීෂයි තාරුයි දෙන්නා කලේ කල්පනා කරපු එක..

ඒයි.. ෆ්‍රිජ් එකේ ගස්ලබු ඇති කමුද..?”

අම්බානෙක බත් එක්ක ගිලලා ඉවර වෙද්දිම චමිලයා ඩෙසර්ට් මතක් කලා.. ඌටනං මලාට කෑමක් බීමක් අමතක වෙන්නෙ නෑ.. ටික වෙලාවකට පස්සෙ මිනිහම ගිහින් ඔය කියන ගස්ලබු එක තීරු තීරු කපන් ආවා..

චමී මේක අර පරාක්‍රමබාහු රජ්ජුරුවො කාපු ගෙඩියෙ ඉතුරු කෑල්ලක්ද..?”

රැලි වැටුණු පරණ ගස්ලබු කෑල්ල ප්ලූටො ඒ මේ අතට හරෝනවා..

පරාක්‍රමබාහු රජ්ජුරුවො..?”

ඔව් බං.. එයා අර ගස්ලබු කෑල්ලක් කකා මිදුලෙ ඇවිදිද්දි කවුද ෆොටෝ එකකුත් අරගත්තලුනෙ.. අර පොළොන්නරුව පැත්තෙ ඒකෙ ප්‍රින්ට් අවුට් එකකුත් අඹලා තියෙන්නෙ..”

ප්ලූටො මේ අපහාස කරන්නෙ ශ්‍රේෂ්ඨ පුරා වස්තුවකට.. ඒත් ඉතිං පරාක්‍රමබාහු රජ්ජුරුවන්ගෙ තාලෙ තරම් නැති උනත් ශ්‍රී වික්‍රම රාජසිංහ කාලෙ තරම්වත් මේ ගස්ලබු කෑල්ල පරණ ඇති තමයි.. මූ මේක කොහෙ ලෝකෙන් ගෙනත් ෆ්‍රිජ් එකට එබුවද මංදා..

                                                     *******************************

අපි ඊළග දවස් දෙක තුනම පංති ගිහින් කලේ කපලා කොටලා පිටපත හදපු එක.. සර්ගෙනුත් ඒකට ලැබුණෙ පුදුම සහයෝගයක්.. කොහොම හරි අවසානයෙ අපි ලියාගත්තා මරේ මරු කතාවක්.. තරුණ වයසෙ දග කොල්ලො කෙල්ලො රෑනක වැඩ කෑලි ටිකකුත් දාලා සර් කිව්ව විදියට ආදර්ශයක්ග න්න පුළුවන් ටයිප් එකේ නියම පිටපතක්..

අපි ස්ක්‍රීන් ටෙස්ට් එකකුත් තියලා මේකෙ චරිත වලට ගැලපෙන නළු නිළියො තෝරන එකත් ඉක්මනට ඉවර කරමු. මං ඒ වැඩේට මිස්ටර් දුනුවිලටත් එන්න කිව්වා..”

අපේ තාත්තා ආවොත් නං මට සුළු චරිතෙයක්වත් හම්බවෙන එකක් නෑ.. ඒ කොහොම උනත් සර් පංතියෙ හැමෝවම වගේ ස්ක්‍රීන් ටෙස්ට් එකට ඉදිරිපත් කලා.. පංතියෙ හිටපු පුංචි එවුන් ටිකනං කැමරා ඉස්සරහට ගිහින් හිනාවෙන එක තමයි කලේ..

අපි මෙහෙම කරමු මාරසිංහ.. මං මේකෙ ප්‍රධාන චරිතෙට හරියන ගෑණු ළමයා තෝරන්නං.. ඔයා ප්‍රධාන නළුවට හරියන කොල්ලෙක් තෝරන්න..”

මේක නම් වෘත්තිය මට්ටමෙන් කරන නිර්මාණයක් නෙමෙයි හන්දා අපේ තාත්තා මාරසිංහ සර්ට අමුතු යෝජනාවක් කලා.. එහෙම කලේ මමත් මෙතන ඉන්න නිසා කියන එක ෂුවර්..

මට නං යාළුවො අමුතුවෙන් තෝරන්න දෙයක් නෑ.. පංතියෙ ඉන්න දක්ෂම ළමයා මං තෝරගෙන හුගක් කල්..”

පංතියෙ ළමයි ටික රවුමට බිම වාඩිවෙලා අපේ නිෂ්පාදකතුමයි, අධ්‍යක්ෂකතුමයි දිහා බලාගෙන ඉන්නවා.. වැඩිම උනන්දුවෙන් බලන් හිටියෙ නයෝමි.. ඒත් වැඩ කටයුතු රාශියක් අවසානයේ අපේ තාත්තා ප්‍රධාන නිළිය විදියට තෝර ගත්තෙ සමාධිව.. සර් තෝර ගත්තෙ මාව.. මේකත් හරිම පුදුමයක් තමයි.. නොදැන උනත් දෙන්නා තෝරගෙන තියෙන්නෙ එයාලගෙම ළමයිව..

දැන් මොකක්ද මේ කතාවට දාපු නම..?”

හිනාවෙවී පිටපත කියවපු අපේ තාත්තා සර්ගෙන් ඇහුවා.. ඒ වෙද්දි අපි නම් දෙක තුනක් යෝජනා කරලා තිබුණට එකක්වත් ස්ථීර කරගෙන තිබුණෙ නෑ..

කෝ ගමු බලන්න ඔයාලා දාපු නම් ටික..”

එහෙම කියලාතාත්තා නම් තුනහතරක් තිබුණ කොලේ අතට ගත්තා..

මේ පිටපතේ හැටියට නං මට හිතෙන විදියට හරියනම නම යොවුන් මාරුතේ..”

එයා අන්තිමට තොරගත්තෙ නයෝමි යෝජනා කරපු නම.. ඒත් නයෝමිට ඒ නම කියලා තියෙන්නෙ එයාගෙ අම්මා..

අපි මේ වගේ කටයුත්තක් කරද්දි එකා වගේ කැප වෙලා වැඩ කරන්න ඕනෙ.. කවුරුවත් කාටවත් හොරෙන් කිසි දෙයක් කරන්න බෑ.. ඒ නිසා මං ඔයාලා නොදන්න රහමක් දැන් එළි කරන්නයි හදන්නෙ..

මංගුරුවරයෙක් විදියට මෙච්චර දවස් නොකියා හිටපු එක වැරදියි.. ඒත් ඔයාලා හැමෝම මගේ දරුවො නිසා මං ඒ ගැන විශේෂයෙන් හිතුවෙ නෑ..

සර් කියන්න යන අටමගලෙ මොකක්ද කියලා දන්නෙ නැති සමහරු තක්බීර් වෙලා.. ඕවා කිව්වට අවුලක් නෑ.. දැන් අපි ෆ්ල්ඩ් එකට පය තියන්න සූදානමින් ඉන්න ටැලන්ටඩ් පොරවල්නෙ..

ඔයාලා දන්නවද මේ සමාධි ලක්ෂිකා කියන්නෙ කවුද කියලා..?”

අපි පස්දෙනා ගල් බිල්ලො වගේ බලන් ඉද්දි ළමයි ටික නෑ කියන්න වගේ ඔළුව වැනුවා..

මේ ඉන්න සමාධි මගේ එකම දූ..”

අපේ තාත්තා ඒ කතාවය අහලා පුදුම වෙයි කියලා බලන් හිටියට එයාට ගාණක්වත් තිබුණෙ නෑ.. ඒ කියන්නෙ තාත්තා මේ ගැන කලින් දැන්න හිටියා කියන එකද.. හැබැයි පංතියෙ ළමයින්ගෙන්නං සූ සද්ධයක් එක පාරටම පිට උනා..

එකම දවසෙ හැමදේම දැනගත්තම වැඩක් නෑනෙ.. අපි ඉතුරුව ඊළග දවසෙ දැනගමු..

පංතිය ඉවර වෙන්න ඔන්න මෙන්න තියෙද්දි අපේ තා්තතා කියලා දැම්මෙ නැතෑ.. ඒ කියන්නෙ ඊළග දවසෙ මගේ.. පංති ඇරුනා උනත් ළමයි ගොඩක් හිටියෙ සමාධිව වට කරගෙන.. එයාලා කෙල්ලගෙන් රටේ නැති ප්‍රශ්න අහනවා..

ඔයා මොකද එදා මේ පංතියට යන පාර දන්නෑ වගේ අපෙන් පාර ඇහුවෙ..?”

ප්ලූටො බොහොම පුරාණ කතා වස්තුවක් දිගෑරියා.. ඇත්තටම සමාධි පංතියට ආවෙ මේක පටන් අරන් දෙවෙනි දවසෙ.. එයා එදා මාරසිංහ සර්ගෙ පංතිය තියන්නෙ මේ පාරෙද වගේ කතාවක් අපෙන් ඇහුවා නේන්නං..

අපේ තාත්තා කලින් පංති කලේ බොරැල්ලෙ.. ඉතිං මේ පංතිය මං හරියට දැනන් හිටියෙ නෑ.. අනික ඔයාලට මං ගැන සැකයක් නොහිතෙන්න තමයි මම පළවෙනි දවසෙ එමෙ දෙයක් කලේ..”

බලන් යනකොට කෙල්ල මටත් වඩා ග්‍රේට් නේ.. මං බොරුව වහන්න මෙච්චර හැංගුණාට මෙයා බොරුවට පාර අහලා බොරු වයසක් කියලා මුල ඉදලම අපිව විකට ඇදුම් තරගෙකට වගේ අන්දලා..

ඉතිං ඇයි ඔයා පළවෙනි දවසෙ නෑවිත් දෙවනි දවසෙ ආවෙ..?”

පළවෙනි දවසෙ කරන්නෙ නම් ගම් වයස ගැන කතා වෙන එකයි ෆෝම් පුරවන එකයිනෙ.. එදා පංති ආවා නං මාව එදාම ඔයාලට අහුවෙනවා..”

අපේ පංතියෙත් ඉදලා තියෙන්නෙ මාර හොරු තමයි.. ලොකුම හොරා මං.. අනිකා සමාධි.. නයෝමි උනත් සල්ලිකාරියෙක් කියන එක හංගගෙන හිටියනෙ.. තව කී දෙනෙක් ඔය විදියට වෙස් මූණු දාගෙන ඉන්නවද මංදා..

ඕවා ගැන කතා කරලා වැඩක් නෑ.. අපි දැන් යොවුන් මාරුතේ ගැන කතා කරමු..”

යොවුන් මාරුතේ ගැන මොනවා කතා වෙන්නද.. ඒ ගැන අපි දැනටමත් කතා කරලා ඉවරයිනෙ.. දැන් තියෙන්නෙ මුහුරත් උළෙලට ලෑස්ති වෙන එක.. ඒකෙන් පස්සෙ මං දෙවනි පාරටත් ෆීල්ඩ් එකට පය තියනවා..  




No comments:

Post a Comment